Nach dr mountain Games uf dr Egua und Sorba sind mier Streifähörnli nu chli im Tal bliebä um die schenä Stelle und Flüss z paddle und uf Kamera fest z hebbä.

Dr Hölle Slide isch denn grad am beste glufe und ai für en Olaf am Spanendtschtä zum Filmä und Fötälä. Dr Shane Baker hed dä siech vor einige jahre erstbefahre aber so wie ich es verstande ha muess er sich irgendwie d Schultere agschlage ha. Na ja es chad ja nid immer gued ga. Uf jede fall als dr Pat Keller vor üssnä aige vorgfahre isch, isch es is ai en überlegig gsie das Ding (Höllenslide / Devilslide) ze befahre.

Am nächste Tag sind mier erstmals D Balmuccia Schlucht paddeld um warm z werde… isch mier aber nid so glunge und bi sogar am Schluss nu go schwimmä. Thja
Aber desto trotz sind mier am namittag oberhalb vom Hölleslide igstige und de mittleri Wasserfall als afangs Fall abe geiered. Nicht schlecht han ich denkt wo ich dr Markus Hummel und Olaf Big O agluegt han wo mier obe am Slide inegluegt hend.

Dr Hölleslide isch eigentlich an riesigi, Steili Rutschi wo 3ii mal churz am Felse ufschlad und denn schluss endlich im sichere eddi landisch. Aber bim zweite ufschlag isch ebe ai nu es fiises poket wo eigentlich weich isch aber ai sehr fiis freese cha,,, wo aber ai scho es paar paddler demit z kempfe gha hend,,,

Uf jede Fall sind mier denn lospaddeld als dr Olaf s zeichä gä hed das er ready isch mit de Kamera. So was ich vo de Fotographe ghört ha miend mier (markus und ich) en super gueti lini gha ha,, da mier ja fast kei Hilfs Schlag hend miesse mache. Huh.

Leider isch am Olaf sini Kamera in Slide ghid als er churz oberhalb versuechd hed z umträgä. Drum bin ich zwei Täg Speter numals paddeld um ihm au nu dr Bewiis z gä das mier paddeld sind.:-)

Später sind mier den wiiter zoge is tessin um dötä nu eis, zwei Flüssli Paddeld: Rovanna, Isorno I plus II Verzasca, Loana, Rio Basso und unteri Melezza Schlucht.

Gruss FloH